MotoGP world champion vawi ruk ni tawh Spanish rider Marc Marquez chu tun Pathianni a Portuguese Grand Prix-ah RNF Aprilia rider Miguel Oliveira a sut avangin hrem a ni a. Hremna hi ngaihtuah nawn leh turin a team Repsol Honda chuan thuneitute hnen an thlen.
Algarve International Circuit a intlansiakah hian lap thumnaah Marquez hian Oliveira hi su in Thawhtanni khan a kut zai a ngaih phah a. Oliveira pawh inhliam vangin tun kartawpah Argentina Grand Prix-ah a inlan thei dawn lo.
Marquez hi FIM stewards ten ‘double long lap penalty’ an pe a. Argentina-ah a inlan thei dawn lo tih Honda in an tihchian hnuah FIM chuan he hremna hi a intlansiak theih velah hman a ni dawn tih an sawi nawn. He thutlukna hi Honda chuan pawm lovin FIM Court of Appeal hnenah an zualko a, he thu ngaihtuah hun tur erawh Marquez-a intlansiak leh theih hma in a ni ang.