India ramah darkar 24 liam ta chhungin coronavius kai mi 3,016 hmuh chhuah leh hman niin a hma ni aiin 40% zetin an tam zawk.
Darkar 24 liam ta chhunga sample endik zinga 2.7%-in hri an kai tih hmuh chhuah niin chawlhkar khat chhunga endik zinga 1.71%-in an kai bawk.
India-ah hian COVID-19 avanga thi mi 5,30,862 awm tawhin mi 14-in an thihpui thar leh anga chhinchhiah a ni a. Maharashtra-ah mi pathum, Delhi-ah pahnih leh Himachal Pradesh-ah pakhat niin Kerala-ah mi pariat thi chu a hmaa mi niin chhinchhiahnaah telh thar an ni.
Hri kai hmuh chhuah tawh zawng zawng atanga chhutin enkawl lai 0.03% an la awm mek a, 98.78% erawh enkawl dam leh tawh an ni.
Tun hnaiah India-ah hian hri kai hmuh an pung leh hret a, state eng emaw zat chuan emergency-a thutkhawm kovin hmalak dan tur an duang a. Delhi-ah pawh January 16-a kai hmuh awm lo kha 300-ah an kai leh tawh.