Myanmar sipaiten khawchhak lama Karen state-a hel pawlte indo thlawhna hmanga an kah avangin nunau 3,000 vel chuan ramhnuaiah kalin an thenawm, Thailand an lut niin tual chhunga pawl thenkhat chuan an sawi.
Nimin pawh khan mi 10 chuang chuanna lawngleng chuan Thai khua, Mae Sam Laep an thleng leh niin damdawi lam thuneitute chuan an sawi.
Damdawi lama thuneitu pakhat dang chuan an ram sipaite chuan ramri a him zawk nan tiin Myanmar atanga lut tam tak hi an thawn haw leh niin Reuters hnenah a sawi.
Myanmar mi, Kyaw Lar Bri chuan Reuters hnenah Inrinnia an awmna bomb-naah khan a siper avangin a hliam tih a sawi a. Ramhnuaiah tlanchhiain hliam tuar ve tho mi paruk nen lawngleng hmangin Mae Sam Laep lui an kân niin a sawi.
“Kan khuaa haw leh turin a la him lo,” tiin a sawi.
Mihring dikna chanvo humhalhtute chuan Myanmar raltlante hi Thai thuneituten an thawn haw niin an sawi a; mahse, Thai Prime Minister Prayuth Chan-o-cha chuan dawt a nih thu sorkarin an awmna tur a ngaihtuahsak dawn tih a sawi.