Nikum April leh kumin March inkarah Kolasib district chhunga nau piang 1096 zinga 22-in chatuan ram an pan a. Hei hi naupiang 1,000 zela 20.5 anga chhut a ni. Hemi hun chhung vek hian Kolasib district-ah nu, nau chunga boral 2 an awm bawk.
April, 2022 leh March 2023 inkara Kolasib district-a nau piang thla 6 hnuailam thi leh nu, nau chunga boral awm dan dinh- mun report-a a lan danin, nikum April atanga kumin March thlenga Kolasib district-a nau piang thi atanga zaa 50 chu District dospital-a thi an ni a, zaa 72.7 chu thla 1 hnuailam an ni.
Kum 2022-23 chh- unga Kolasib district-a nau piang boral leh nu, nau chunga thihna thlen chhan te nimin khan thlirlet a ni a. Chief Medical Officer (CMO), Kolasib Dr. Lalawmpuia Chhangte chuan mihring hriselna enkawl kawngah sawt zawk leh awmze nei zawka District Hospital leh hriselna enk- awlna hmun hrang hrang ten hmasawnna an neih theih nan hun kal tawha hnathawh dan thlirlet a pawimawh thu a sawi a. Kum 2022-23 chhunga Kolasib district-a nau piang boral leh nu, nau chunga thihna thlen chhan te an thlirlet chuan hriselna enkawl kawnga mawhphurtute tan insiamthat tulna lai hmuh fuhna hun tha a siam ngei a beisei thu a sawi.
CMO chuan mih- ring theihna leh thiamna in a daih loh changa damna beiseia damdawi in pantute tihhlawhchham chang a thlenin damlo chhu- ngte hnenah chiang takin dam lo natna te, enkawlna kalpui dan te leh theihtawp chhuaha enkawlna kalpui a nih dan hriattir thin a pawimawh thu a sawi bawk.
Kolasib CMO hova thutkhawma tel te chuan nau piang leh nu, naupai te hrisel tur chuan Health department piahlamah hri- selna kaihhnawha sor- kar office hrang hrang leh khawtlang an pawimawh thu an sawi a. Ei tur hrisel ngaihpawimawh te, damdawi tha leh tui thianghlim te, faina leh thianghlimna ngaihpawimawh leh zirna in kalpui dan thlenga nghawng thui tak a neih thu bakah Outpatient department (OPD) ngaihhlut zual a pawimawh thu te an sawi bawk a ni.