Aizawl: Ningani leh Zirtawpni khan Shillong-a St Anthony’s College-ah Mafaa Hauhnar kutchhuak zirhona buatsaih a ni a, hmun hrang hrang atangin an kalkhawm.
Mafaa lehkha lo zir tawhna college-a Mizo department leh Mizoram University-a Mizo department tangdun buatsaih, ‘International Seminar on the Writings of Mafaa Hauhnar’ hi Mizoram sorkara art & culture department-in senso an tum a ni.
He seminar-ah hian Dr Ruth Lalremruati, Remlalthlamuanpuia, Dr C Lalawmpuia Vanchiau, Dr Cherrie Chhangte, Rev Dr Ramengliana, Dustin Lalkulhpuia, KC Lalthansanga, H Lalrinzuala leh Dr B Lalzirliana ten Mafaa kutchhuak chungchangah paper an buatsaih a, Mafaa thiante atangin Lalhruaitluanga Chawngte, C Lalnunchanga leh Darrokima ten Mafaa chanchin an sawi bawk.
Kum 2018-a thi ta, Mafaa Hauhnar kutchhuak zirna hun hi 2019-ah khan Pachhunga University College-a Mizo department-in an lo buatsaih tawh bawk a ni.