1 Fiona Apple: February 29, 2000 kha a ni a, pop star lar tak Fiona apple chu New York khawpuia Roseland Ballroom-ah a zai a, mahse sound a chhuak thei tlat lo. a han sa leh thin na a, engmah a hriat theih chuang loh. “New York-ah hian chet chhiat ka duh lo reng reng. Mahse, Fk, engmah ka hre thei lo,” a ti lung lung. a tawp nan tiin a han sa leh a, a ngai ang bawkin a fuh chuang lo. “Hla te hi an thi vek a ni ang. A tawk tawh, ka mangchhiat zan te pawh a ni mahna,” tiin thinrim takin a ang buan buan a, duh tawk lovin, press mite hma ah, “Fk you! in notebook te kha dahsawn rawh u. ka chungchanga mawi lo taka report in awm vaih chuan in thi a ni mai,” a ti nghal bawk.
2 Milli Vanilli: 1989 kuma MTV in summer tour a neih khan Europop an tih mai- Fab Morvan leh Rob Pilatus te chuan Connecticut Theme Park-ah, ‘Girl You Know It’s True’ tih hla chu sa-in mipui an awi a. an zai tui lai tak chuan an tape play-a chu a tang ta chut chut mai. Hmui phun mai maia zai an nih tih chu pholan a ni ta. an zak lutuk chu stage hnung lamah an tlan lut nghal. Minute 20 a ral hnu-ah rawn inlan lehin, mic pawh rei an hum hmain harsatna ngai bawk kha an tawk leh ta a, hmui phun mai mai an nih thu a takin tihlan a ni leh ta. a hnu-a German producer Frank Farian-a’n a sawi leh danin, heng mipahnih te hian an cd atangin note pakhat mah live in an lo sa ngai reng reng lo chu niin, ‘Best New Artist’ Grammy award an dawn pawh chhuhsak leh nghal an ni a, an album lo lei tawhte pawhin zângna-dawmna engemaw zat chu an hui ve nghal bawk.
3 Grace Slick: 1978 kha a ni a, Jefferson starship te chuan german rama an concert hmasa ber leh European tour an neih tawpnaah hian intualvuakna a thleng. singer grace Slick chuan a pum nâ chhuan lamin, a zai theih loh tur thu a sawi a. Member dangte an mangang hle. a tuk zanah chuan Hamburg khawpuia congress centrum a thlen hma in hotel leh mini bar-ahte chuan kal kual zut zutin zu a in vak vak ta mai a. stage a thlen hnu hian guitarist Craig Chaquico chu a chhiat khum hram a, mipui lam hawi chuan Nazi ho tih dan angin, “Tunge indona ah hnehna changtu kha,” tiin a au a, ‘Heil Hitler’ tihte in salute a pe ta thuai thuai mai a. Zai mai ta lo chuan mipui lamah a thlawk thla nghal a, hmeichhia a hmuh a piang chu an taksa hmun hrang hrangah a chul sak ta chiam chiam mai bawk a. Hemi tum hian a bula awm mipa pakhat chu hmeichhia emaw tia a khawihna lamah a kut zungtangin a hnar a kawm sak vak leh nghal, he pa hi a te tuar nghe nghe. He concert hi German TV chuan a hmunah a record vek na a, vawiin thleng hian mipui hmuh theih turin a tichhuak ta lo. He thil a thlen hnu hian slick pawh hian band a chhuahsan ve nghal bawk.
4 Fred Durst: ‘2003 Summer Sanitarium’ tour nei a, Metallica-in Chicago khawpui an thlen khan metal fans ruhkawl 40,000 zette chu Hawthorne Race Course-ah pungkhawmin Limp Bizkit ho inlan hun tur an chang a. Heng ho hi tualchhung milar ve tak pakhat Erich Muller atana thawk chhuakte an ni bawk a, ring taka au rualin, ‘Fred S**ks’ an ti dual dual mai a, bawlhhlawh leh coins te in stage chu an vawm chiam bawk. Fred durst tihngaihna hre lo leh thinrim bawk si chuan tual-chhung baseball team te chu a sawi sel ta vak vak mai a, a tifuh tehchiam lo. A sawi zawh hma hauhin a hma aia lian leh rit zawk chu a rawn thlawk leh ta chuai chuai mai a, thinrim chuai thei lo durst pui roh hian stage chhuahsan pahin ”Limp Bizkit hi khawvela band ropui ber a ni,” a ti lung lung bawk a, a hmuna awm official te pawh an thinrim ve hle a ni ang, thil dang a sawi leh hma in a mic ken lai chu an chhuhsak nghal ringawt.
5 The Everly Brothers: Don leh Phil Everly te chuan July 14, 1973 khan Los Angeles khawpuia John Wayne Theater-ah an inlan hnuhnun berna tur an nei dawn a. Mahse, boruak a kal fuh lo tlat. don-a hi a ruih em avangin guitar pawh a zut hlei thei lova, ‘note’ te ti bovin, lyric te pawh a hmaih ta nual a. a tawpah manager thin tuar lo chuan show chu a titawp nghal a ni. Phil-a pawh a thinrim hle, a guitar Gibson chu chhuatah paih hnawkin, ‘He pa nen hian stage-ah kan lang dun leh ngai tawh lovang’ tih leh chhuah a rual nghal. (1983 thleng khan Don nen hian an inbe zui ta reng reng lo) Don zawk hian show chu a mahin a kal pui ve leh mai a, mipui kal-khawm hma ah chuan, “The everly brothers te hi kum 10 kal ta khan an ral phiar tawh a ni,” a ti a, a bak zawng chu boruak-ah a tham ral ta vek.
6 Scott Stapp: Creed singer scott stapp chuan December 20, 2002-a All State Arena, Chicago-a show a neih hmain a lo inla ‘hot’ hma lutuk a, chu bakah a hrawk nâ avanga Jack Daniel-a’n a chhâwkna atana a pek- Zu leh Xanax te chuan engtinnge hna a thawh dawn a hre hauh lo. Hla 5-na a sak zawk chiahah Stapp hi a hawi vual vual a, a kal bo ta daih mai. Guitarist Mark Tremonti mangang chuan stage hnung lamah a va zawng du du a. stapp lah chu thutthleng sei pakhatah a lo mu veng veng mai a, a va kaihthawh chuan, “Kan zo tawh a ni lawm ni,” tiin a lo chhang zaih. Mahse, a tawpah chuan stage-ah a va inlan leh ta hram a, a kawr leh pheikhawk chu phelh sawk sawkin, an hla chuam – ‘Higher’ leh ‘Arms Wide Open’ tih chu thuziak lam chiang lo leh phuahchawp tih hriat ngawih ngawih hian a sa ta vak vak mai a. lungawi lo fans panga te chuan Creed hi court-ah an khing ta a, a hmuna kal zawng zawngte ticket man pekir leh vek turin an nawr ta hial a ni.
7 Charlie Rich: 1975 kuma Nashville-a an neih country Music awards-ah kum hmasa lama ‘Entertainer of the Year’ a thlan, charlie rich chu tun tumah erawh he award sem chhuak tura ruat a ni thung a. stage-ah chuan artist hming ziakna envelop chu zawi muangin a la a, result a puan lai chuan, ‘My good buddy John Denver’ tih leh envelop hal a rual nghal. kutben tur nge mak tia en ringawt mai tur tihah a hmuna awm te paw’n thutlukna an siam thei lo hial. Australia a awm mek Denver hi engemaw rokhawlhna avangin a inlan thei lova. a ni hian thil awmdan pawh hre hek lo le, lawm takin he award hi a dawng tih chu satellite kaltlangin a rawn sawi a, an inkar boruak erawh hriat zui a ni ta lo.