Mizoram Food Processing Industries Corporation Ltd (MIFCO) chu sorkarin agency-ah letin Mizoram Food Processing Agency (MIFPA) tiin a hming a thlak.
MIFCO Board of Directors thutkhawma nimina neiha tar lan a nih danin Mizoram sorkar chuan MIFCO chu food processing lama hlawkna nei tura a din ni mah se mi mal, pawl leh society tam takin food processing-ah hma an lak mek avangin, mi mal leh pawl/society hmala mekte tanpuitu leh kawng hrang hranga an hmalakna tanpuitu atan tha zawka ringin MIFCO chu agency-ah a siam ta a ni.
Sorkar kum thar, April 1, 2023 atangin MIFCO chuan MIFPA tih hming puin hna a thawk tan tawh dawn tih sorkar thuchhuah chuan a tar lang a. Food processing lama hmalatute tan MIFPA chu tangkai tak leh an kawng kawhhmuhtu atan hman a ni dawn ta niin a tar lang bawk.