Nottingham Forest striker Chris Wood chuan inhliam avangin tun season-ah football a khel tawh dawn lo.
New Zealand striker hi March 11 khan a inhliam a, club lamah inkhel thei lo mahse ram tana khel tura ko a ni tho. Nimahsela New Zealand tan inkhel lovin tunah a hliam avangin a chawlh rei a ngai dawn.
Forest hian Wood hi Newcastle United atangin January thla khan loan in an hawh a. Manager Steve Cooper chuan Wood hliam bakah hian forward pahnih Brennan Johnson leh Andre Ayew te pawh inhliam an nei a, full-back Serge Aurier leh midfielder Gustavo Scarpa te pawh an chiang lo tih a sawi.
“Hetiang harsatna te hi kan chunga thleng thei niin kan hmachhawn ve a ngai a. Kan player inkhel theite kan chhawr anga, anni nen theihtawp kan chhuah ang. Kan hmabaka kan tih tur awmte ti turin kan inpeih.” tiin a sawi.
Forest hi Premier League-ah 16-na an ni mek a, league a inhamtan tum a inel zingah an tel.
Match sarih atanga goal khat khung tawh Wood a inhliam lai hian January hnua a la inkhel leh lo forward Taiwo Awoniyi chuan training a zawm tawh thung.