French manager Patrick Vieira chuan tunhnaiah a hna chan mahse Premier League-ah kir lehna kawng a hmu nghal thuai dawn a ang sawt hle a. Leeds United in an manager nghet ni tura lakluh an tum.
Vieira hi tun thla tir khan Crystal Palace chuan a zawna match 12 chak hmel an hmuh loh hnuah an chhuahtir a. Nimahsela Elland Road lam atangin ngaihventu a la nei tho.
Leeds United hi manager Javi Gracia hnuaia khel an ni a, nimahsela season tawpah a contract a zo dawn. Hei vang hian kum 46 mi Vieira hi an manager nghet ni tura an enthlak zingah a tel.
Vieira hi February thla a Leeds United in manager Jesse Marsch an ban hnuah a thlaktu atana an duh zingah a tel tawh.
Chanchinbu mi thenkhatte chuan Vieira hian Palace in an chawlhtir chu a beisei loh thil a nih avangin England a hnathawh chhunzawm leh vat hi a duh niin an sawi bawk.