Aizawl : Ni nga awh tur Civil Enginee- ring deptt., NIT Mizoram-in tlangrama in him leh tlo, lirnghin ah pawh chhe mai lo tura sak dan zirhona workshop a buatsaih chu nimin khan Higher & Technical Education Minister Dr R Laltha- ngliana’n Regency Hotel-ah a hawng.
H&TE Minister ch- uan Mizoram chu tlan- gram a nih avanga buil- ding tam zawk pawh tlang panga sak a nih thu leh lirnghing nasa thlen theihna seismic zone V a awm a nih bawk avangin workshop chu Mizoram mamawh a nih thu a sawi a. Science thiamna chu sang hle mahse, lirnghing erawh engtikah nge a thlen dawn tumahin an sawi lawk thei lo tih sawiin, “lirnghing pa- wh lo thleng se, building tam tak chhe tur la- ka inven nan lirnghing dawl zo in sak dan kan thiam a pawimawh” a ti a. Lirnghing thlen tawhna ram te thlirin, insak fimkhur loh leh nghehlohna apiangah an tuar nasa nia sawiin, “insak kan uluk a ngai hle a ni” a ti bawk.
Workshop-ah hian IIT Kharagpur, IIT Roorkee, NIT Mizoram, Thapar Institute of Engineering and Tech, Tata Steel (Tata Tiscon) leh Mizoram PWD atangin mithiam an kalkhawm a ni.