Aizawl: Hrangbana College-in nimin khan 21st MZU Annual Sports Meet neih zawh taka an champion an lawm a, Sports Minister Robert Romawia Royte-in a hmanpui.
Sports minister chuan MZU Annual Sports-a Hrangbana College-in hlawhtlinna an chang chu lawmpuiin Mizoram University hmsawnna kawngah Hrangbana College chu a thawh hlawk berte zinga mi niin a sawi a. “Infiamna leh zirna a inkungkaih tlat thu sawiin, zirna a hmasawn tur chuan taksa sawizawi that a tul,” tiin sorkar pawhin a pawimawhzia hriain New Education Policy 2020-ah infiamna tih thumal vawi 30 lai a chuang niin a sawi.
Mizo thalai hrisel, zangkhai leh zuanzang chherchhuah chu sorkar thil tum pawimawh tak a nih thu sports minister chuan sawiin, zirlaite chu kawng engkimah fimkhura insum fo turin a chah bawk.