US chanchinbumi, Evan Gershkovich chu Wall Street Journal-a thawk chungin an ram a enthla nia puhin Russia-in a man.
Russia reporter tawnhriat ngah tawh tak hi man a nih lai hian Yekaterinburg khawpuiah hna a thawk mek.
White House chuan chanchinbumi man a ni hi ‘a dem tak zet’ tih a sawi.
Kremlin chuan ‘enthlatu ngei’ a ni tih an sawi a, WSJ erawh chuan a pha nasa hle.
Kum 31 mi, Gershkovich-a hi ram dang mi correspondent zingah chuan Moscow-a hriat hlawh tak a ni a. BBC Russia Editor Steve Rosenberg pawhin reporter tha tak leh chanchinbumi a nih an ngeia thawk a nih thu a sawi.
US Secretary of State Antony Blinken chuan WSJ hnenah an mi chhawr man a ni chu ‘an ngaihven reng’ tih a hrilh a. US thuneitute chuan Gershkovich-a hi biakpawh tuma an beih nghal thu leh an la theih loh thu an sawi bawk.
WSJ chuan an reporter hi a editor-te nen Moscow atanga khawchhak lam km 1,600 vela hla, Yekaterinburg-a Nilaini chawhnua an inbe lai chu an man niin a sawi.
US thuneitute chuan Gershkovich-a hi a driver-in thingpui dawrah a thlah a, darkar hnih hnuah a phone a in-off ta tlat a. Chanhinbu hian dan hre mi ruaiin FSB headquarters-a a awmna chin hriat an tum a; mahse, engmah a hre thei lo.
Russia-a FSB security service chuan ‘dan lova thiltihte’ an titawp rih tih an sawi a. Chanchinbumi hian ‘US thupek hmua thiltia puhna’ chu a pha nasa hle a tih an sawi a, ‘ram thuruk, Russian venhimna lam thil’ a lakhawm niin an sawi bawk.
An investigation department chuan enthlakna thubuai an chhui mek a, Russian chanchinbu chuan ‘thuruk tawpkhawk’ tiin thuneitu pakhat sawi a tar lang bawk.
FSB agent-te chuan Zirtawpni khan Lefortovo district court, Moscow-ah hruaiin hetah hian dan angin an man a, May 29 thleng an kawl phawt dawn.
Russian chanchinbu chuan court hian thawktu leh tlawhtu awm lo turin an hmun an thian phawt a, Gershkovich-a dan hre mi ngei pawhin courtroom a luh theih loh thu a sawi.
Russia-ah hian enthlatu hi kum 20 thleng tantir theih an ni a. Tass news agency chuan chanchinbumi hian an puhna hi a pha a. Building atanga hruai chhuakin an tlanpui daih niin a tar lang bawk.
WSJ-a a thu ziah hnuhnung ber, tun kara tihchhuahah chuan Gershkovich-a hian Russia eibar dinhmun tlahniam leh Kremlin-in vantlang tana sum hmang chunga ‘sipai lama tam zawk a hman dan’ vel a ziak.
Chanchinbu zalenna lam viltu, Reporters Without Borders chuan Yekaterinburg-ah hian Russian mi thattu pawl, Wagner chungchang zir turin a kal niin an sawi a. Wagner hi Ukraine khawchhak lama indonaah an che nasa hle.
Kum khat chuang WSJ-ah hian Russia chungchang a ziak tawh a, tun hmain AFP news agency leh Moscow Times-ah a thawk tawh bawk a. US atanga chanchinbua thawk tan a ni.