Miami Open khelh mekah mipa leh hmeichhe inelnaah hian rinkai ni mek pahnih Carlos Alcaraz leh Elena Rybakina te chuan champion theihna an la nei ve ve a. California a Indian Wells Masters a champion ve ve tawh an nih avangin ‘Sunshine Double’ an la thei ve ve dawn.
Seeded number 10 Rybakina hian hmeichhe final lut turin world number three Jessica Pegula 7-6 (7-3) 6-4 in a hneh a. Tunhnaiah a zawna vawi 13 a chakna a ni.
Kar hmasa khan Indian Wells final-ah hian Aryna Sabalenka a hneh tawh a. Final-ah Petra Kvitova leh Sorana Cirstea a chak zawk a hmachhawn leh ang.
World number one Alcaraz chuan tualchhung mi, seeded number 6 changtu Taylor Fritz 6-4 6-2 in a hneh ve thung a. Mipa semi-final a khel dawn.
Sunshine Double hi a la a nih chuan mipa tennis a ti thei pariatna a ni anga. Rybakina hi a hlawhtling a nih chuan hmeichhe player zingah pangana a ni ve thung ang.