Venghnuai Local Council chuan March 30, 2022 ningani zan khan an veng chhung mi North East huapa mister-a thlan leh kumin chapchar kut puala miss a thlan te an chawimawi.
Hemi puala inkhawm Vast Cafe, Mualpui kawna neih hi Local Council Member F. Lalrinmawia’n a kaihruai a, an chairman KC Lalrinmawia’n thu sawiin, an veng mai ni lo, Mizoram ti hming tha tute chu nun uluk a, midang te tana malsawmna ni zel tura hun hmang turin a fuih.
Venghnuai local council-in an chawimawi te hi – Beardo North East Mega Mister 2023 pakhatna C Lalpekhlua , Diktawn Miss Chapchar kut 2023 Lalrammuani leh Mizo Photographers’ Society (MPS) Chapchar kut lady 2023 2nd Runner Up Vanlalbeiseii te an ni a, chawimawina inkhawmah hian YMA leh MHIP hruaitute telin, fuihna thu an sawi bawk a ni.