Anthony Joshua chuan hnehna a chang ve leh thei a. Jermaine Franklin nen inhmachhawn in unanimous decision in a chak.
London a O2 Arena-ah British heavyweight boxer hian a khingpui hi a thunun tha viau a. Fans thenkhatin boxing match huaisen leh hmuhnawm an beisei laiin Joshua a fimkhur a, a tawp thlengin a chesual duh lo.
Judge pathum zinga pahnihin 117-111 in kum 33 mi Joshua an chak tir a, pakhatin 118-111 in Joshua a pe ve thung.
Joshua hi inhnek a chungnung zawk nimahsela kum 29 mi Franklin a tlo a, a knockout thei lo. An inhnek zawh hnuah boxer pahnihte hi an inbakkaih zeuh a, security leh an team ten an pawh then an ngai.
Joshua hian kum hnih chuang chhunga hnehna a chan vawikhatna a ni a, WBA (Super), IBFleh WBO world champion Oleksandr Usyk laka a tlawm zawn hnuah hnehna a chang ve leh.
“Knockout a ni lova, a tha em em lo. Infiamna rorum a ni a, mahse knockout a chak theih hi a pawimawh. Chuvangin ka inlan danah ka lawm vek lo.” tiin Joshua chuan chak mahse hma a sawn a ngaih thu a sawi.