La Liga hmahruaitu Barcelona in table mawngphah a awm Elche chu 4-0 in an hneh a. An hmelma Real Madrid lakah point 15 in hma an hruai lailawk.
Catalan club hian tun season-ah an club chanchin a La Liga title 27-na lak tumin ke an pen zel a. Champion lai Real in beiseina la nei ve mahse an tan kawng a inhawng zau tawh lo. Nizanah Valladolid lakah Real hian hnehna an chan chuan an inkar hi point 12 in a tla hniam leh ang.
Estadio Manuel Martínez Valero ah Barcelona tan striker Robert Lewandowski chuan minute 20-na leh 66-naah goal a khung a. Ansu Fati leh Ferran Torres te chuan goal dang an khung.
Barcelona coach Xaxi Hernandez chuan, “Kan result a tha, a lawmawm hle. Hun engemaw chen chhunga inkhel tam lo te zaninah an inkhel a, an kheltha hle bawk.”
“Hei hi team awmzia a ni a, kan tan chuan thil pawimawh tak a ni. Kan chak vangin ka lawm a, ka player-te ka lawmpui bawk.” tiin a sawi.