Indian Premier League season thar chu Zirtawpni zan khan an khel tan a. Inkhel hmasa berah champion lai Gujarat Titans in wicket 5 in Chennai Super Kings an hneh.
Narendra Modi Stadium a mi nuai khat chuangin inkhel an en zanah hian Chennai in Ruturaj Gaikwad-a run 92 siam hmangin run 178 an siam a. Mahse Gujarat lam hian opener Shubman Gill-a’n ball 36 atanga run 63 a siam chu ringin bul an tan thga hle a, over 19.2-ah run 182 siamin hnehna an chang.
CSK tan bowler Rajvardhan Hangargekar chuan wicket thum a la.
Inrinni zanah Lucknow Super Giants in run 50 in Delhi Capitals an hneh a. He inkhelah hian England fast bowler Mark Wood chu che tha hle in wicket nga a lak laiin run 14 chiah a pe a. IPL a English player zinga bowling figure nei tha ber a ni.