Aizawl : Mizoram Pradesh Youth Congress Committee huaihawtin Inrinnia Union Home Minister Amit Shah-a’n Aizawl-a hun a hman lai khan tun hnaia BJP kaihhruai sorkar laipuiin All India Congress Committee (AICC) hotu Rahul Gandhi chunga ro a rel dan duh lohna lan tir a ni.
Congress party mipuite hi Aizawl sipai Lammual Gate bulah an pungkhawm a. Rahul Gandhi chunga central BJP sorkarin hleihluak leh dik lo taka ro a rel duh lohna lan tirin, Rahul Gandhi thlavang hauhna thuziak hrang hrangte kengin an au rual bawk.
Congress party te hian Rahul Gandhi thusawi avanga hremna a chunga lek a ni rum rum chu amah beih ngawr ngawr piah lamah sundawng lian Adani te humhim tumna zawk a nih thu te, Parliament-a Adani chungthu Rahul Gandhi-a’n a sawi chhuah leh atanga ni kuanaah amah an puhna thubuai tihnun leh nghal a ni te hian a lantir ber chu Modi leh Adani nena an inzawmna a tihchian thu te, sorkar laipuiin a thil tihdik loh mipui hriata zau taka puanzar a duh loh avang hian mipui sukthlek kawihpen tumna nia a lan thu te leh dan mit atanga thlirin Criminal defamation complaint chu a tuartuten case an file tur a ni ang, he case-ah pawh hian hming lamrik ni hauh lovin case file a nih thu te mipuite’n lo hria se an duh thu an sawi.
He hunah hian MPCC hruaitu leh a hnuaia department leh Frontal hruaitu thahnem tak an tel a ni.