Aizawl : MSU hruaitu ten Education Minister Lalchhandama Ralte hmuin, School Education Director atan IAS Arunachal Pradesh-Goa-Mizoram and Union Territory (AG- MUT) Cadre ngei dah an nih theihna tura hma la turin an ngen nawn.
MSU hruaitute ch- uan Mizorama zirnin hma a sawn theihna turin Mizoram Education Service (MES) siam a nih theihna tura hma la tur pawhin Education Minister chuan an ngen a. MES chu Mizoram sorkarin a siam thuai an beisei thu an sawi bawk.
Education Minister Lalchhandama Ralte chuan zirtirtu indaihlohna phuhruk tura SEDP teacher an rawih mek te rawih chhunzawm an tum thu leh an hlawh thla li lai pek loh pawh March ni 30, 2023 khan pek phalna School Education department-in a hmuh tawh thu MSU hruaitute chu a lo hrilh a. Reiloteah SEDP tea- cher hlawh chu an pek tur thu a lo hrilh a ni.