Aizawl : Kum 2014-a Mizo Historical Village a puan Chaw- ngtlai khuaa Saibualpui hmuna ‘Pipu Chhuahtlang’ chu Zirtawpni kalta khan Mizoram Legislative Assemly Speaker Lalrinliana Sailo-in a hawng.
‘Pipu Chhuahtlang’ hi Chawngtlai khawchhuak haw runpui den- chhena hawn niin, hm- un hrang hrang aṭangin Chawngtlai khawchhuak leh lal Nikuala thlah te nen mi zanga chuang an fuankhawm a. March ni 29 aṭanga ni 31 thleng hun hmangin, March ni 30-ah bialtu MLA, Dy. Chief Minister ni bawk Tawnluia’n Chawngtlai lal Nikuala hriatrengna lungphun a hawng bawk.
Lalrinliana Sailo chuan he hun hman nan leh Nikuala lungphun leh Pipu chhuahtlang buatsaih nan Rs. nuai 10 pein, Nikuala Tung- chaw cheihnum nan Rs. nuai 1 a pe a, lal Nikuala tanna lung in Alipore Jail, Kol- kata ami ama hova Mizo Historical Village hruaitu ten an tlawhna senso a tum dawn nia thudawn a ni bawk a ni.
Pipu Chhuahtlang-ah hian Mizo lal hm- ingthang leh huaisen 70, Mizo pasalṭha 40, pi leh pu hun aṭanga thawnthua mi hmingthang(legend) 30 leh British sipai Mizoram awptute lungphun tur 30 ruahman a ni a. A bul ṭan nan Zo hnahthlak lal hmingthang leh pasalṭha lungphun 5 ve ve leh British laka zalenna sualtu (Mizo freedom fighter) hriatrengna lung phun a ni.
Lalrinliana Sailo chuan Chawngtlai kh- ua chu lal ropui, huaisen, ralrel thiam Zoram humtua chhal ngam Nikuala leh a pasalṭha huaisen tak tak te khua a nih thu sawiin, pi leh pute hunlai aṭanga khaw fing leh remhria, inlungrual an nih thu a sawi a. Thangthar te pawhin an hnung an rawn zui ta zel nia sawiin, Chawngtlai khua chu Mizo Historical Village tia hriatlar a lo nih tak thu a sawi.