Manipur-a Myanmar nena inrina district, Churachandpur-a Singhat sub-division-a police barrack hlui chu Inrinni khan Myanmar mi man/hrente khawsakna atan siam a ni.
Manipur sorkara cabinet sub-committee chairman, Letpao Haokip chuan Myanmar atanga himna zawnga Manipur-a raltlante lo dawnsawnna atan barrack hlui an siam thu hi a sawi a ni.
Cabinet sub-committee-ah hian Tribal Affairs Minister Haokip hi chairman niin Law Minister Thounaojam Basantakumar leh Water Resources Minister Awangbow Newmain te an tel bawk a. An pathum hian barrack luah tawh lohte chu tlawhin district thuneitu sangte hnenah detention centre atana hman tura hma la turin an hriattir.
Myanmar mite hi ni tin Manipur-ah hian an tlan lut a, an zat chiah pawh hriat a harsa hle a. An zinga tam tak chuan barrack hluite chu detention centre atan an hmang dawn a ni.
Inrinni khan Manipur Chief Minister N Biren Singh-a thurawn angin cabinet minister pathumte hian Singjat leh Churachandpur tlawhin sipai thlawhna hmanga an chenna tihchhiatsak Myanmarese engzat nge tlan lut tihte an en fiah a ni.
Myanmar miten India-a an luh nasat avang hian harsatna tam tak a thleng nual bawk.
Manipur sorkarin sub-committee a din hian an khawsak lailawkna hmun turte enpuiin a ngaihtuahsak dawn a ni.
Inrinnia an tlawhnaah hian Haokip chuan Singhat police station huam chhunga barrack hluihlawn tawhte chu detention centre-a thlak tura tih a nih thu pawh a sawi a ni.
Barrack-ah te hian mi 50 vel awm thei tura ngaih a ni.