Lalnu a lo thleng ta, tun tumah erawh amah chauhin a ni lo! Pryanka Chopra Jonas hi a pasal Nick Jonas leh an fanu Malti Marie te India ram leilung an rawn rahpui ta a, Mumbai khawpuia private airport-ah tunkartawp khan an rawn thleng.
PeeCee hian pink dress mawi tak nen a inlan a, sunglass dum mawi tak mai nen a inhmeh ual hle. Nick pawh a duai lo, bluee hoddie leh demin pant bakah orange cap nen a rawn ni zaih bawk. Tarmit a vuah nen a nupui ang thoin hmuh a nuam.
Heti anga India an rawn luh thutna chhanah hian sawi dan leh ngaihdan a tam hle a, chung zingah chuan PeeCee hian project liantham buaipui tur a nei, tih te, a unau nu Parineeti Chopra pasal neih tur chhim turin an rawn kal, tihte a ni nawk.
Engpawhnise, Indian mipuite chian lehzualin an fanu hmeltha leh duhawm Malti Marie an hmuchiang ta a, fan te tan lawmna a thlen a, social media-a chawtui ber pakhat a tling.