Aizawl: NGO Co-Ordination Committee hruaituten Inrinni khan Raj Bhavan-ah Union Home Minister Amit Shah an kawm a, thil pawimawh hrang hrang an thlen.
An thu thlen zingah NGO Co-Ordination Committee hruaitute chuan kum 2018-a home minister-in Mizoram a tlawh tuma ramri veng tura Mizo BSF Battalion din tura a lo intiam tawh chu a hlawhtlinnna hmuh an inbeisei thu leh bawhzui thuai a nih ngei theih nana hma la turin an ngen.
Assam Rifles-te Aizawl atanga sawn chhuah an nih tur thu-ah NGO Co-Ordination Committee chuan lawmthu sawiin, Assam Rifles-te a rang thei bera sawn chhuah an duh thu an thlen a, home minister chuan thla hnih/thum chhunga sorkar nena inremna anga an chhuah tur thu a sawi.
Mizoram thenawm Myanmar leh Bangladesh atanga Zohnahthlak unau raltlante chungchang pawh sawi lan niin, a theih ang anga tanpui tura ngen a ni.