Aizawl : Mizoram Samagra Shiksha buatsaihin district hrang hranga pawl 9 atanga pawl 11 zirlai 280 ten Shillong khawpui an fang a. Heng zirlaite hi NEIGRIHMS, IIM, Donbosco museum, Umiam lake leh hmun pawimawh dang te tlawhpui an ni.
NEIGRIHMS-ah Medical Superintendent Dr. Daniel leh a thawhpui ten lo dawngsawngin, damdawi in an fanpui bakah khawl hrang hrang hnathawh dan te an lo entirin an lo hrilhfiah a. NEIGRIH- MS-a cancer hospital tur buatsaih mek leh inhemna khawl thar te pawh zirlaite hi tlawhpuia entir an ni.
Cancer hemna khawl thar hi USA ațanga chah thar Rs. vbc 29 man nia sawi a ni a. Cancer-in a khawih lai taksa bak hmun dang hem chhe lo tura duan nia sawi a ni. NEIG- RIHMS-a Medical Superintendent Dr Daniel chuan “inhemna khawl dang chuan taksa dangte a hem ut thei a, he khawl hi chuan cancer lai chauh a hem” a ti.
NEIGRIHMS lecture hall-ah zirlaite hi Dr Daniala leh teaching faculty dang ten an zir zelna atana țangkai tur te an lo hrilh a. Medical lam hna chu midangte tana inpekna leh rawngbawlna pawimawh a nih thu te, doctor leh paramedicals lam zir duh te tana hriat tur pawimawhte an lo hrilh a ni.
Zirlaite 280 te hi Mizoram district hrang hrang ațanga thlan niin, batch thumah țhen an ni a, a inchhawkin ni thum chhung Shilong hi an tlawh niin sorkar thuchhuah chuan a tarlang.