Health Minister Dr R Lalthangliana’n COVID19-in tun thlengin sorkar hna lak a la nghawng zel nia sawiin, “tan erawh kan la zel ang” a ti.
Ngopa khua in kum 2022-a khaw fai inelnaa lawmman pakhat- na an dawn nimina an lawmnaah he thu hi Health Minister chuan a sawi a. “Ngopa CHC building sak thar hna pawh kan hna hmasa tur a ni ang” tiin, Mizoram sorkarin kum 20 zet Ha lam enkawl thiam, dental doctor a lak tawh loh hnu ah hman ni lawka tlema zawng a lak thar zing ami chu Ngopa-ah pawh dah a nih thu leh Ngopa CHC-ah Dental chair dah a nih tur thu a sawi.
Health Minister ch- uan Mizoramin Super speciality doctor a la mamawh tam tur thu pawh sawiin, “tunhnaiah Mizo pakhat kan nei thar a, a lawmawm hle, helam kawngah hian Mizo ten tan kan lak sa- uh sauh a tul” a ti bawk.
Dr. R. Lalthangli- ana chuan Ngopa khuain faina kawnga an hmalakna leh an thawhrimna fakin, faina leh hriselna chu inkungkaih tlat a nih thu a sawi a. Lang thei lo faina chu rilru hrisel a nih thu sawiin, “Rilru hrisel leh thianghlim chu chunglam lawm zawng a ni” tiin, Ngopa mipuite pawh an khua a fai bakah, rilru fai leh thianghlim pu zel turin a chah bawk a ni.
He hun hmanpuitu dang, bialtu MLA Dr. L. Thangmawia paw- hin Ngopa mipui tha- whrimna kuhmunah bialtu MLA chu a par ve chauh nia sawiin, Ngopa khua chu Town a nih theihna tura hma an lak dan te, Rs. nuai 3,000 senga Saitual – Saichal kawng tuna an blacktop pawh a MLA tirh atanga a vei thu leh an hmalakna Pathianin mal a sawm thu te a sawi a. Kum hnih chhunga khawfai pahnihna atanga pakhatnaa Ngopa an inhlangkai thei lawmawm a tih thu a sawi.
COVID19 avangin Minister leh MLA ten an duh angin hna thawk thei lo mahse, hna tam tak erawh an thawh thu L Thangmawia chuan a sawi a. Lengteng bial thalaite tan Ngopa-ah Youth Development Centre din a nih thu te, Ngopa chu Mizorama dawnfawh thar tam ber khua a nih thu te, sorkar hmasain SDO office a hming maia a kalpui pawh tunah chuan hawn mai theiha peih a nih tawh thu te, Higher secondary school-ah science leh commerce zirna hawn belh a nih thu te, Ngopa khaw chhunga hma an lak tawh leh hmalak mek hrang hrang te, JJM hnuaia Ngopa tui lak dan te bialtu MLA chuan a sawi bawk.