Tyler Rake kha i la hria em? Dhaka khawpuia kawtthler tiraltitu leh tharum thawhna hlenchhuah ngai ta kha! India rama gang lord fapa tleirawl chhanchuak tura a fehchhuahna turu buruk te thleng kha mitthlaah a la cham reng mai.
Netflix kaltlang tihchhuah ‘Extraction’ film khan lemchan khawvel a luah hneh ngang mai a, tunah hian ‘Extraction 2’ teaster chu thawhtanni khan en theih tura phochhuah niin, action thirller pui tak chhawpchhuahsakin kan awm leh dawn e.
Teaser trailer tam zawkah hian khawi maw lai, fuh deuh tura ngai dahchhuah thin a nih laiin, Extraction 2 ah chuan sequence puitling hmuh tur a awm tlat mai. A changtupa Tan In-a awm mek Sinead Phelps chhanchhuah tuma sipai rual a hmachhawn riap riap mai chu en theih a ni, mit a tlai.
Extraction 2 hi film hmas zawk tawpna atang chiah khan kalpui lehnghal niin, second part-ah hian Chris Hemsworth (Tyler Rake) hi thla kaw chhungzet nikhaw hre lovina awm hman. A hnu-a a harhhchuah leh chuan mission turuk tak hlenchhuak tura Australian black ops zawm lehnghal chatin, Georgian gangster kawlhrang tak tak lak atan chhungkaw pakhat chhanchhuak tura fehchhuahna pui lutuk hi June 16, 2023 hian Netflix kaltlangin en theih a ni ang.