Mizo Zaimi Inzawmkhawm (MZI) branch thar, Bungkawn Branch chu nimin chawhnu dar 1 khan MZI Gen. Hqrs. President Er. Lalrothanga’n a hawng.
MZI, Bungkawn Branch, Aizawl hawnna inkhawm hi Saihnuni Sailo Memorial School Hall-ah neih niin, MZI President-in branch thar a hawn rual hian MZI member thar te lawmluhna hun hman nghal a ni.
MZI President chuan MZI chu zai leh rimawi tuipuitu Zofa zawng zawng huap, a duh apiangte tel theihna, Zo rimawi Inpui a nih thu a sawi a. “Zai leh rimawi ngaina hnam kan inti a, engkim mai zai leh rimawi tel lo chuan kimlo kan ti a, kan zaimi, rimawi tum thiam leh kan hlaphuah thiam te kan hluta, kan zahthiam a pawimawh a, kan pawl pawh tihlu zual theitu kan ni tih inhre țheuh ang u” a ti.
Zo rimawi leh zaimi, musician leh hla phuahtute hmasawn zelna tura MZI hmachawp hrang hrang te MZI President chuan a sawi bawk.
MZI, Bungkawn branch hawnna ah hian MZI Gen. Hqrs. hruaitu engemawzat bakah Bungkawn YMA, MUP leh MHIP hruaitu ten an tel a ni.