Oil & Natural Gas Commission Limited (ONGC)-in Assam-a Golaghat district, Bebejiya-a tuialhthei an laih chhuahna hmunah kangmei nasa tak a chhuak.
Chanchinbuten an tar lan dan chuan kangmei hi boruakalhthei (gas) put atangin Pathianni atang khan a kang niin an tar lang.
Kangmei chhuakah hian thi leh hliam an awm hriat a la ni lo.
Kangmei a chhuak tih an hriat veleh police leh ONGC thuneitute chuan a hmun an pan nghal a. A bul hnaia chengte chuan thelh mai theih a ni lo vang tih an hlau hle.
Thuneituten a hlauhawm tak tak hmaa an thelh thei lo a nih chuan tun hnai lawka Tinsukia district-a Baghjan-a tuialhthei khura thil thleng ang kha a thlen ve mai an hlau hle.
Baghjan-a kangmei chhuak kha rei tak thelh tuma beih a ni a, a tawpah ram dang mi thiamte sawm luta beih a nih hnuah thelh a ni.