Aizawl : Darlawng kh- awtlang tangrualin an din Darlawng High School chu nimin khan bialtu ML- A, Minister ni bawk Er. Lalrinawma’n a hawng.
Darlawng HS-ah hian zirna tan nghal niin, pawl 9 zirlai 10 leh pawl 10 zirlai 7 neiin bul an tan a. School building atan BNRGSK hmang lailawkin, MLA fund leh mi thahnemngai te sum thawh nena tang- kawpin school hi an en- kawl chho tan dawn a ni.
Bialtu MLA chuan zirna chu a thil ngaihpawimawh zual tlemte zingah a tel thu sawiin, “zirna in pan tur kawtkaiah a awm mai loh avangin hmun thenkhatah chuan zirna chhunzawm zel te a rem loh phah thin” tiin, Darlawngah pawh hei hi an harsatna a nih thu a sawi a. VC, khawtlang nu leh pa leh mithahnemngai zual te tanrualna zara High Sikul an nei ta chu lawmawm a tih thu a sawi.
Mizoram sorkar-in zirtirtu thahnem tak tunhnaiah a lak thu pawh Er Lalrinawma chuan sawiin, “Hei hian kan sorkarin zirna a ngaihpawimawh zia a tilang” a ti a. Darlawng khaw tan High School thar din a pawimawh tluk zetin, a enkawl chhunzawm hna thahnemngai taka kalpui zel a pawimawh thu sawiin, School managing board chu tan la zel turin a chah bawk.