Osasuna in an club chanchin a tum hnih nan Copa del Rey final an khel dawn a. 2-1 in Athletic Bilbao chu aggregate in an hneh.
Thawhlehni zanah San Mamés Stadium-ah Copa del Rey semifinal second leg hi an khel a. First leg a hnehna chang tawh Osasuna hian kum 2005 hnua a vawikhatna atan Spanish Cup final khel thei turin result an nei.
First leg a 1-0 a tlawm tawh Athletic in goal an khung hmasa. Minute 32-naah Mikel Vesga chuan corner atanga ball pet luh chu Inaki Williams tan a thai rem sak a, Ghana forward Inaki Williams chuan goal-ah a khung.
1-1 aggregate ni chiahin Osasuna in goal an khung mai thei lo. Hei vang hian hun pangngaiah inhnehtawkin extra-time an khelh a ngai.
Minute 116-naah substitute Pablo Ibanez chuan penalty area hmawr atangin an chakna goal a hem lut mawi hle a. Goalkeeper Julen Agirrezabala tan ban phak a ni lo.
Osasuna coach Jagoba Arrasate chuan, “Tlang taka sawiin Athletic hi team tha zawk an ni tih kan pawm. Mahse an lakah dingchang zawk ni turin theihtawp kan chhuah a, thih tha nen kan beih miau avangin Osasuna hian final kan lut a, kan dinhmun thlen hi kan phu.” a ti a.
Final-ah hian Barcelona emaw Real Madrid an tum ang.