Aizawl : Environment, Forest & Climate Change (EF&- CC) Minister T.J. Lalnuntluanga’n Champhai leh a chhehvela Forest department hma- lakna hrang hrangte tlawhin a enfiah.
EF&CC Minister chuan Champhai Zote rama Nagar Van project kalpui mekte, Tlangsam rama Satellite wildlife rescue centre siamna tura ruahman hmun leh Conservator of Forests (CF), Eastern Circle Pisa, DFO Complex, Champhaia sak mekte a tlawh a ni.
Sorkar thuchhuahin a tarlan danin, Nagar Van-Urban Forest Cha- mphai Zote ami chu khawpui ramngaw, mi- puite tana boruak thianghlim pechhuaktu tur, tuihna siamtu tur, lenkhawthawnna leh thil zirna atana ramngaw humhalhna hmun tur a ni a. Khawtlang hruaitu, NGO, mipui vantlang leh sorkar tangruala thawhhona tha tak nen khawpui ramngaw tha din leh humhalh tum a ni.
Nagar Van scheme hnuaiah hian khawpui ramngaw ven him nana hung, a tulna laia thing phun belh, vantlang remchang siamte a tel a. Mizoramah Aizawl leh Champhaiahte khawpui ramngaw siam tura hmal- akna Nagar Van project hi kalpui mek a ni.
Nagar Van Champhai Zote huam chh- ung ram hectare 50 vela zauah hian thing thawl deuhna laiah thing chi hrang hrang – Theihai, Theifeimung, Avocado, Pear, Theifarbang, Lamkhuang, Thingthupui, Khuang- thli, Lenhmui, Tlaizawng, Chawmzil, Tei, Ngiau leh Char 2,000 chuang phun tawh a ni a, phun mek zel a ni bawk.
Ramri kaltlanga nu- ngcha tawlhruk emaw, ram chhunga dan lova nungcha kawl leh tawlh man te dahna leh enkawlna tur Satellite wildlife rescue centre dinna turin Tlangsam khaw bul Forest department ram hectare 20 vela zau ruahman a ni a. Sorkar laipuiah project thehluh niin thutlukna ngaihchan mek a nih thu sorkar thuchhuah chuan a tarlang bawk a ni.