Vogue magazine cover tharah kum 106 mi Filipino tattoo artist a lang kalh mai a, Apo Whang-Od (Maria Oggay) hi he magazine cover mawitute zinga upa ber niin, tun thla chhuak Vogue Philippines issue a mawi.
Tleirawl a nih lai atang tawhin Maria hian mite vun cheitu niin, hun reilote chhung ramchhunga tattoo artist hriathhlawh ber pawl a ni chho nghal.
Kum tam ta liam taa huaisenna, chakna leh mawina keng tel tura mite sawiselna leh elrelna kara a eizawnna nghet leh khawng taka a kalpui khan hlawhtlinna duhawm thlengin, kum 100 chuang tawh mah se, a sakhming leh hmel hian mite a ko hneh em em a, amah hrechiang chaka pantu leh umzuitu pawh a ngah.
“Hmun hla tak atanga min hmu tura an lo kal te hian beidawngin ka haw ti ngai lova, ka mitin a hmuh theih chin ang zelin ka thiam leh theihna ka hmang thin,’ tiin a sawi.