Aizawl: Mizoram Pradesh Youth Congress Committee (MPYCC) chuan Hliappui khuain kuminah sawhthing Rs. nuai 147 vel man lai an hralh thei chu an lawmpui thu an sawi.
Ningania thuchhuah an siamah Congress Thalai hian Hliappui Spices Producer Company hmalaknaa sawhthing lei leh hralh kawnga an hlawhtlinna chu ropui an tih thu an sawi a. Kumin tawpa MLA General Election lo awm tura Congress Party manifesto number one hi Mizorama kut hnathawktute khaichhuahna kalkawng a ni tih Hlliapui khuain a takin an rawn tilang thei chu ropui an tih thu an sawi.
MPYCC hian thuneihna changa an sorkar chuan an manifesto-ah thlai thar dah thatna, sawngbawlna leh hralh dan kalphung mumal leh rintlak an siam tur thu an tar lang niin an sawi a. Kut hnathawktute ‘market’ dinhnun zirchianna leh vilna a pawimawhzia an zir chiang a, hmalak dan tur manifesto-a an dah tawh angin agriculture policy an kalpui dawn niin an sawi bawk.