Thah a vauna a dawn tak fo vangin Salman Khan chuan Indian market-a la vawrhchhuah loh Nissan Patrol SUV thar, bulletproof a lei ta rup mai.
Bollywood actor hi a SUV thar, silaimu kahtlang theih loh nen Mumbai kawtthlerah hmuh a ni a, amah vengtu leh puibawmtu pawh an thahnem ngang.
Nissan Patrol hi Nissan kutchhuak SUV ah chuan a la to ber a, Southeast Asian market-a car hlut hlawh ber zingah a langsar hle nghe nghe.
India rama he car hi hralhchhuah a la nih ve loh vangin Salman Khan hian international market atangin a chawlut nia ngaih a ni a, silaimu kahtlang theih loh car changkang leh tha bawk si duhthlan tur tha ber te pawh ti ila a sual tampui awm love.