Aizawl : Kolasib District Magistrate-in 4-lane kawngpui laih tur huam chhunga thing leh mau lak khapna thupek Ning- ani khan a tichhuak.
Sorkar thuchhuahin a tarlan danin 4-lane kawng laih tura zangnadawmna NHIDCL-in an pek tawh leh ram an lak fel tawh huam chhunga thing leh mau te chu mi thenkhatin an la thin a. Hei hi dan bawhchhiatna a nih avangin Kolasib District Magistrate chuan khapna thupek hi a tichhuak a ni.
Hemi kawnga dan bawhchhiate chu -The Mizoram (prevention of government land encroachment) act, 2001- tlawhchhana hrem theih an nih thu khapna thupekah chuan tarlan a ni a. Mimal leh pawl emaw agency emaw ten Kolasib district huamchhunga 4-lane kawng laih turin a huam chin, NHIDCL-in a lak fel tawh huam chhunga thing leh mau leh bungruate chu laksawn a khap a ni.