Lawngtlai District, Diltlang South khua-ah a chhan hriat loha vawk thi a awm avangin Inrinni khan AH&Vety mi thiamten an tlawh.
Thudawnnain a sawi danin Diltlang South bialtu MDC, LADC-a executive member ni bawk, HC. Lalthawmliana’n Diltlang South khuaah a chhan hriat loha vawk thi an awm thu leh hri vanga thi nia rin a nih thu state sorkara AH & Vety deptt. hnenah a hrilh a. Dr. Charlie C. Chawngthu hovin Lawngtlaia mobile veterinary unit-in Inrinni khan an pan nghal a ni.
Vawk pathum thite chu uluk taka phum bo an nih tawh avangin AH & Vety mi thiamte chuan sample lak a harsa tawh tih an sawi a. Vawk vulhtute chu vawk hri leng laka an Vawk te an him theihna tura tih tur leh tih loh tur te an zirtir a. A chhan hriat loha vawk thi sawngbawl dan turte an zirtir bawk.