Bayern Munich defender Matthijs de Ligt chuan goal mawi a khung hmangin 1-0 in SC Freiburg an hneh a. Bundesliga-ah match sarih la awm chungin point hnihin hma an hruai.
Thawhlehni khan Freiburg hian Bayern Munich hi DFB Pokal-ah an lo hneh tawh. Hnehna chan nawn tumin an inkhel a, Bayern an chesual leh teuh.
Freiburg hi chance tha an hloh nual hnuah second half-ah De Ligt-a’n goal mawi a khung a. Hei hi an sut thei tawh lo.
Inrinni zan inkhel dangah Borussia Dortmund chuan Donyell Malen leh Youssoufa Moukoko te goal hmangin hnehna an chang ve bawk a. Bayern nen point 58 leh 56 hmu in an inum mek.