Band album thar, ’72 Seasons’ vawrhlar nana word tour kalpui tura inbuatsaih mek Metallica kal zel dan turah ‘function’ hleih theih tawh loh hun a la awm ngei dawn niin, khuangpu Lars Ulrich-a’n a sawi.
Tun thla tawp lama world tour ngan tak kalpui tur Metallica hian August 2024 thleng an chechhuak chho dawn a ni a, rimawi khawvela an talna rei tawh ang hu-a chuai thei lo hi huni a la liampui hun a thleng dawn a, an duh emaw duh lo emaw an chet hlei theih tawh loh hun eng emaw tak chu an tawn ngei ang, a ti bawk.
Revolver nena interview-ah Lars chuan, “Band kal zelna tur chungchang hi kan sawiho ngai loh thil a ni miah lova, engpawhnise, hun eng emaw chen chhung chu kan phurna, chakna leh thathona hi a kal theih beisei a ni a. Hrisel taka awm a ngai a, hrisel taka khawsak a pawimawh. Engpawhnise, heti chung pawh hian engtikah emaw chuan ‘function’ hlei theih tawh miah loh hun chu a lo thleng ngei turah kan ngai,” tiin a sawi.