Lok Sabha MP C. Lalrosanga’n Union Minister of State for Home Nitya- nand Rai chu a pisaah hmuin, Mizoram chhim lama India leh Bang- ladesh inrina hrul kawng siamṭhat a ṭul thu a sawipui a. Union Minister of State chuan fur tui tlak tak tak hmaa ramri kawng te chu siamṭhat pawimawh a tih thu a lo hrilh.
Border roads organisation (BRO) hnuaia kawng lo sial tawh te leh a hnua Central PWD-in a enkawl zui te pawh enkawl zui mumal a awm tawh loh avangin a chhe tawh hle tih C Lalrosanga chuan Union Minister of State chu a hrilh a, Home Ministry Border management-in ramri kawng KM 88.58-a thui siamṭha tura hma a lak tur chungchangah ṭha taka siamṭhat leh enkawl zui a ṭul thu a hrilh bawk.
C Lalrosanga chuan Myanmar leh Bangla- desh aṭanga Mizorama sahimna zawnga Zo hnahthlak tlanlutte dawnsawn leh enkawl chungchang pawh Union Mnister of State chu sawipuiin, mihring dikna leh chanvo humhalh zawnga ramri vengtu sipaite an awm zui zel a pawimawh thu a hrilh bawk a ni.