Aizawl : Mamit bial MLA Cup, Lengpui Sports Complex-a khelh chu Ningani khan zawhfel niin, bialtu MLA Er. H Lalzirliana’n a kharna hun a hmanpui.
Bialtu MLA chu- an sports lama Mizoram sorkar hmalaknaah Mamit bial pawh a malsawmna dawngtu zingah an tel tih sawiin, lawmawm a tih thu a sawi a. MLA Cup chu infiammite tana bultanna rahbi nia sawiin, rampum huap inelna hrang hrangah hmasawn zel tura theihtawp chhuah a nih tur thu a sawi.
Er H Lalzirliana chuan national level thlenga tel ve thei tura Mamit bial chhunga thalai ten theihna an neih thu sawiin, theihtawp chhuaha thawhhona nei zel turin infiammite a chah a. MLA Cup hlawhtlin- na tura mi inpe zawng zawngte lawmthu a hrilh bawk.
Mamit MLA Cup-ah hian team 23 telin, Lengpui G&SA red team leh blue team-in final an khel a. Red team-in sithum faia hnehna changin, champion nomawi leh Rs. 70000 an dawng a, pahnihnain Rs. 40,000 an dawng a ni.