An league inkhel hnuhnung pahnih a an tlawm hnuah Paris Saint-Germain in hnehna an chang ve leh a. Nice lakah 2-0 a hnehna changin Ligue 1 a hma an hruaina chu point rukah an tisang leh.
Inrinni zanah French champion lai hi Allianz Riviera-ah inlanin mikhual team Nice khel chhe lo mahse goal hmaah an huntha neih an ti uiawm thei viau a. Hei hi champion lai in remchangah an hmang.
PSG tan kar hmasa a Lyon laka an tlawm tuma fans ten an au el hlawhtu Lionel Messi chu hnehna an chan theihna lian tak niin goal khat a khung bakah goal dang a siamsak.
Messi hian minute 26-naah left back Nuno Mendes ball cross atangin goal a khung a. Minute 76-naah a corner pet luh chu veteran defender Sergio Ramos chuan a tauh goal ve bawk.
Zirtawpni zan inkhelah RC Lens in Strasbourg 2-1 in an hneh ve bawk a. Point 63 hmu in pahnihnaah an awm mek.
Marseille leh AS Monaco te nena PSG um tlang mek Lens tan hian Przemyslaw Frankowski chuan minute 11-naah goal a khung a. Second half-ah Facundo Medina chuan khung belh leh bawkin mikhual team Strasbourg tan Kevin Gameiro chuan huntawp hma in goal khat a khung.