Mizoram a tualchhung cricket inelnaa dah san Mapuia Memorial Mizoram Cricket League season thar atan team leh player lilamna Thawhtanni zan khan neih a ni a. MCL khel turin Luangmual CC leh Chanmarians CC ten sum sen an inhuam a, team hrang hrangten an squad an thuam tha tel.
MCL season thar chu
Mizoram infiamna huang a sum che vel tamnaah hian club paruk an inel thin. Kumin MCL hi 1st Division League semi-finalist pali – Ramhlun Venglai CC, Zarkawt Lords CC, Kulikawn CC leh Gorkha CC te khel turin an tling a. Hemi bak hmunruak pahnih hi lilam a ni.
Team slot hmasa zawk hi tualchhung club tha ten an inchuh hnuah Chanmarians CC in cheng nuai 5 in an chhang. Team slot hnuhnung zawk pawh lilam leh niin club te an inlan leh zak zak. A tawpah Mizoram a cricket club hlun zing ami Luangmual CC in cheng nuai 6 in an chang. MCL-ah Luangmual kan hmu dawn.
Team slot leituten player lilamna tan hma in player lei theihte atangin an duh pahnih an thlang thei. Chanmarians in all-rounder Nasib Rai leh top order batsman B. Lalnunfela te an thlang. Luangmual lamin Mizoram under 25 team rinrawl Jehu Anderson leh tawnhriat nei tha Lalhmangaiha te an thlang ve thung.
Zarkawt Lords an che na
Player lilamna ah club parukten an team tichak turin player 29 a belhkhawmin an lei. MCL khel lo tur club tha an awm nual, heng atangin player tha an lalut.
Zarkawt Lords in player pasarih lakluh nan cheng sing sarih leh sang ruk an seng. Club malkhai a player lalut tura sum seng hnem ber an ni. Chhinga Veng CC all-rounder Lalruatdika chu cheng sing thum sang thum a chhangin ani hi tun MCL Auction a player manto ber a ni.
Team parukten player lakluh nan a belhkhawmin cheng nuai hnih leh sing nga an seng.
Player te leina hi 60% an hnenah a kal ang. Association leh an khelhna club-te hnenah 20% ve ve a lut ve bawk ang.
April 17 atangin MCL 2023
Kumin MCL hi April 17 atangin Suaka Cricket Ground-ah an khel tan dawn. Kuminah hian champion team in cheng nuai thum an dawng dawn a. A belhkhawmin lawmmanah cheng nuai 12 leh sing sarih sang nga sem ral a ni dawn.
Nikum ang thovin kumin MCL hi internet hmangin Fancode kaltlangin live in a en theih dawn. Awlsam taka application download a subscribe turin App Store leh Playstore-ah te a awm.
MCL 2023 player inlei dan:
Ramhlun Venglai Cricket Club
1 R. Lalbiakzuala 3,500
2 Rosangkima 3,500
3 Marty Lalrinhlua 12,000
4 Karan Chhetri 14,000
Total 33,000/-
Zarkawt Lords Cricket Club
1 Arbin Sahi 9,000
2 Lalruatdika 33,000
3 Vanneitluanga 6,500
4 Moses Ramhlunmawia 11,000
5 Lalhlimpuia 7,500
6 Lalthlamuana 5,500
7 Malsawmzela 3,500
Total 76,000/-
Kulikawn Cricket Club
1 Marcus Lalpekhlua 7,000
2 Jaibee Babu 5,000
3 Rohit Kumar Roy 3,500
4 V. Lalnuntluanga 5,500
5 C. Laldinpuia 3,500
Total 24,500/-
Gorkha Cricket Club
1 H. Zothanchhunga 3,500
2 Lalhruaimawia Ralte 5,500
3 Rosiamliana Ralte Junior 19,000
4 Sachin Prajabati 3,500
5 Lalrinawma 5,500
Total 37,000/-
Chanmarians Cricket Club
1 B. Lalnunfela 5000 + (to be compensated by MCL Governing Council)
2 Nasib Rai 5000 + (to be compensated by MCL Governing Council)
3 K. Lalthazuala 28000
4 Henry Lalsangzuala 3500
5 Lalbiakfela 4000
Total 45,500/-
Luangmual Cricket Club
1 Jehu Anderson 5,000 +(to be compensated by MCL Governing Council)
2 Lalhmangaiha 5,000 +(to be compensated by MCL Governing Council)
3 Lalhruaitluanga 24,000
Total 34,000/-
Grand Total: Rs.2,50,000/-