Home Minister Lalchamliana’n nimin khan Biate leh Bungzung inkalpawhna kawng KM 22-a thui a hawng.
Kawng hawn tak Biate leh Bungzung inkalpawhna kawng hi Biate lam hnaih KM 6 chu Hrangturzo bialtu MLA, Home Minister Lalchamliana MLA fund hmanga laih a ni a, a bak zawng Bungzung lam chu East Tuipui bialtu MLA Ramthanmawia MLA fund leh ni za inhlawhna hmangin Khawchhak Tuipui thlenga laih tlang a ni.
Kawng thar hawngtu Home Minister Lalchamliana chuan an kawng hawn tak chu a biala Biate khaw mipuite ngaihpawimawh leh nghahhlelh a nih thu a sawi a. Biate leh Bungzung bakah Champhai lam thleng pawha inkalpawhna tangkai a nih zel a beisei thu sawiin, tangkai taka mipui ten an chhawr ngei theih nan duhsakna a hlan bawk.