Special Judge POCSO Act-in naupang kum 15 mi pawngsualtua puh Vanlalzahawma, Rulpuihlim Venglai chu kum 7 tang tur leh Rs. 5000 chawi turin a hrem.
Court thuremnaa tarlan danin, Vanlalzahawma hian kum 2016 July ni 19 khan hmeichhe tleirawl, kum 15 a pawngsual a, POCSO Act hmangin Police ten thubuai an siamsak.
Thubuai ngaihtuahtu Court chuan thuhretu hrang hrang a koh hnuah Nilani khan thutlukna siamin thiamloh a chantir a, nimin khan a hremna tur puang lehin hrehawm taka kum 7 tang tur leh Rs. 5000 chawi turin a hrem a, a sum chawi tur hi a pe thei lo a nih chuan ni 10 a tan belh turin a ti bawk.
Court chuan Vanalalzahawma chu a thitihah inchhira, court-ah ngaihdam a dil avangin court-in a lakah zahngaihna a lantir niin a sawi bawk a ni.