Music Domain Mizoram (MDM)-in Mizo mipuite tana Talk Show thar a chhawpchhuah tur chu zanin (April 14) dar 7 atangin MDM YouTube channel-ah a en theih dawn.
Episode 1 ah Michelle Varte kan hmu dawn a. Mizo zaithiam te chanchin kan la hriat lem loh te bakah mipui hmaa an la sawi chhuah zen zen loh an nuna thil thleng an sawi chhuah te he Talk Show-ah hian ngaihthlak tur a awm thin dawn niin a buatsaihtute chuan an sawi a. An mimal nun te pawh an phawrh dawn nia sawiin, rimawi avanga tun dinhmun an thlen dan te, Mizo Rimawi hma lam hun an hmuh dan leh an ngaihdan te ngaihthlak tur a awm thin dawn niin an sawi.
MDM Spot Light Season 1 Show Co-ordinator chu TV leh YouTube
lama Real Mizo 73 Question buatsaihtu Moses NG a ni dawn a, he show a inlan te hi Lalbiakdiki Ralte leh Angaiha Chhakchhuak ten an kawm thin ang.
Season 1 ah hian MDM chuan Evoke Durion, Designer Buanga Chhangte, Make Up Artist Duhkima Vanchhawng, Videography-ah Kingpins Production leh Blue & Yellow Production te an thawhpui dawn a ni.