Zo-Reunification Organisation (ZORO) Refugee committee-in Aizawl leh a chhehvel a raltlan camp hrang hrang Nghalchawm, Sihhmui, YHAI leh Durtlang-ah te Buhfai leh chawhmeh chi hrang hrang bakah naupang zirna mamawh leh tul dang, a vaia Rs. nuai 2 chuang man hu an pe.
ZORO chuan an chhinchhiah danin Myanmar ram buai avangin Mizoram hmun hrang hrangah raltlan 5191 an awm mek niin an sawi a. Mipui, sorkar leh NGO lam ten nasa takin chhawmdawl tawh mahse, hun te a kal deuh tawh avangin raltlan ten harsatna an tawk leh nasa tan niin an sawi.
Raltlan te tan theihtawp an chhuah chhunzawm zel tur thu ZORO chuan sawiin, Mizoram mipui, sorkar leh NGO hrang hrang te chu raltlan chhawmdawl kawnga theihtawp chhuah thar leh turin an ngen bawk.