Aizawl : Hnah- thiala ‘Lalnu Ropuiliani hall-a Badminton carpet phah thar chu Inrinni khan bialtu MLA, Minister ni bawk Dr R Lalthang- liana’n a hawng a. Hemi ni vek hian ‘Darbilhi football tournament kharna hun Darzo-ah a hmanpui bawk.
Dr.R. Lalthanglia- na chuan carpet thar lawm nan hun remchang hmasaberah district huap inelna neih a rawt a. Hnahthial district-a Babminton co- urt-ah carpet phahloh- na a la awm nual thu sawiin, a tul ang zela phah tur a nih thu leh sorkarin Mizo thalai ten infiamna lama hma an sawn zel theih nan theihtawp a chhuah tur thu a sawi.
Infiammite chu ril- ru thianghlim pu tura chahin, infiam chu damreina atan a tangkai hle tih Dr R Lalthangliana chuan a sawi a. Football pawh a ti tak tak tan eizawnna tling a nih tawh thu sawiin, tan la zel turin a fuih.
Dr R Lalthangliana chuan “Mihringin ha- usakna a hloh chuan engmah a hloh lova, hriselna a hloh chuan thil tam tak a hloh a, nungchang tha a hloh chuan engkim a hloh a ni,” a ti a. Hriselna atan pawh infiamna lam chu uar zel turin kalkhawmte a chah.
Hnahthial tlangdu- ng lam power harsatna awm reng sutkian na tur Chief Minister Zoramthanga hnena a thlen hnuah SASCI atangin Rs. vaibelchhe 43 administrative approval pek an nih thu Dr R Lalthangliana chuan a sawi a. “Kumin financial year-ah harsatna zual phuhruk nan Rs. nuai 500 hman theih turin min pe” a ti bawk.
Tuipui D, Darzo Kaia lei dawh tur pawh central border ministry atanga DPR leh revenue clearance tihfel a nih tawh thu sawiin, Siaha, Lawngtlai, Hnahthial district leh Myanmar inkalpawhna kawng pawimawh a nih tur thu a sawi a. Truck lian ke 14 nei insulpel thei tura dawh a nih tur thu leh he project hi kum li/nga vel chhung thawh tur a nih thu a sawi bawk a ni.