UFC featherweight champion thin Max Holloway chuan khawvela featherweight fighter tha ber zing ami a la ni reng tih a lantir nawn leh a. 145 pound fighter invawrh chak tak Arnold Allen nen inhmachhawnin round nga chhungin hnehna a chang.
Kansas City a UFC Fight Night-ah hian Holloway hian a khingpui hi 49-46, 49-46, 48-47 in a hneh a. Allen lakah hian tlawm se title chuh thei zingah tel tawh lo tura ngaih a ni a, nimahsela a chak avang hian title contender zingah a la awm ang hle a. Kum 2013 atang tawhin title inchuhna ni lo bout-ah a la chak vek.
Holloway hi featherweight rankings-ah no.2 ni lai a ni a, a khingpui a hneh tak hi no.4 a ni thung.
23-7 MMA record nei Holloway hian nikum July khan UFC 276-ah featherweight champion Alexander Volkanovski chu a vawi thum nan a hneh lova. Hei vang hian tuhnhnaiah title a chuh erawh a beiseiawmin a lang lo.
19-2 record nei Allen hi a zawna vawi 12 chak lai a ni a, kum 29 mi hian nikum October khan Calvin Kattar a hneh a, bout pawimawhah tlawm mahse 145 pounds a fighter thawm nei ring zingah a la tel.