Reality show puipa nia sawi thin Simon Phillip Cowell chuan nikhata meizial tlawn 40 chuangte a zuk fo hnu ah tunah a nghei ta hmak mai.
The X Factor leh Got Talent buaipuitu hi kum tam tak chhum lo chat lek lova mei zu thin a ni a, kum 2014 khan fapa Eric neiin, heta atang hian a thil chin tha lo leh hrisel lo tak hi bansan tumin a bei chho ta ngar ngar a, kum eng emaw chen a beih hnu ah tunah chuan Meizial sal atangin a zalen ta.
“Meizial ka nghei fel hmak ta hi hi ka sawi dawn. Chawlhkar 3 emaw li dawn lai chu mei ka zu tawh lo,” tiin Simon hian a sawi.
Mirror-in a kawmnaah, “Dik taka sawi chuan, harsa tak a ni, a harsa takzet. Hman deuh khan ‘aw’ ka hloh hial khan ka hre hman a, ka harhchhuak chiang hle a, kha thil thleng khan min vaw harh viau mai a, hun tha leh remchang a nih dawn hi tiin hnunglam ka hawi let tawh lo a ni,” a ti bawk.