Ahmed-a hi kum tam tak chhung chu politics khawvel leh dan bawhchhiatna thilah hriat a hlawh tawh a. Kum 1979 daih twahah khan tualthah thubuai a lo nei tawh a, heta tanga kum 10 a liam leh hnuah erawh chuan Allahabad khawpui khawthlang lamah chuan huhang ngah ber pawl a ni tawh thung.
Kum 1989 khan a vawi khat nan inthlanah hnehna changin independent-a chuh a ni a, an state MLA a ni tan a. Term hnih a zawna hnehna a chan hnuah a vawi li nana a chak erawh Samajwadi Party (SP) hminga a chuh a ni thung.
Kum 2004 khan a vawi khat nan SP hming thovin parliament inthlanah chuhin a tling a, MP a ni ta a. Hetih lai hian Allahabad leh an state hmun dangah a lakah thubuai ziah luh reng a ni thung.
Ahmed -a hian a hnu kum eng emaw zat chu inthlan a chuh leh a; mahse, a chak lo ta zel a. Kum 2019 khan India-a court sang ber chuan Uttar Pradesh-a thubuai dang pakhata a chungthu rel nghaka lung ina hrena a awm laiin Gujarat-a sumdawng pakhat that turin ruahmanna a siam vanga thiam loh chantirin khawthlang state-a lung in tang turin a hrem.
March thla khan Gujarat atang hian Prayagraj-ah lak niin tual chhung court-ah mi ruk bo thubuaiah a inlan zak zak reng.
Thah a nih lai hian Ahmed-a hi thubuai danga thu zawh fiah tura koh a nih lai a ni a. A unaupa, Bareilly district-a tang mek, Ashraf-a pawh hi thu zawh fiah tur thova a ruala koh a ni ve bawk.
An pahniha koh an nih chhan hi kum 2005-a Bahujan Samaj Party (BSP) MLA Raju Pal-a thahnaa thuhretu langsar ber, Umesh Pal-a thahna kaihhnawihah niin February pawh khan koh an ni tawh.
Pal-a hian kum 2004 assembly inthlanah khan Ahmed-a politics-a a lenna bialah Ashraf-a hi a hneh.
Pal hi kumin February khan thah veleh niin mi eng emaw zatin an kap a ni.
Ahmed-a fapa, rawlthar, Asad leh mi dang tlem chu Pal-a thahnaah hian rinhlelh an ni mek bawk a. Asad-a leh mi dang pakhat chu kar hmasa tir khan police-in an kap hlum a ni.